XV anos do Cidade de narón de pesca a mosca

Pois si. Xa van 15 edicións do Cidade de Narón de pesca a mosca.
Parece que foi onte cando empezamos esta comedia, e como dixo o filósofo das Pontes, o tempo vaiseeeee ¡¡¡
En fin, ós que xa peiteamos canas, fainos a nostalxia recordar cando nos principios dos tempos, calquera membrillo (eu por exemplo) podía acadar un posto no podio.
A día de hoxe antóllase imposible, porque có elenco de competidores provinciais, autonómicos, seleccionados, nacionais, mundialistas, mediopensionistas e afeccioados de alto nivel, a cousa pinta mal para os que vivimos a competición de forma relaxada ...
En todo caso dar as grazas ós que fixeron posible esta aventura ó longo de todos estes anos, e por suposto lanzar a luva do desafío ós que veñan este ano ou que estean por vir para os vindeiros.
Recordar que a competición desenvolverase en mangas de mañá e tarde nos coutos de Xuvia e San Sadurniño sen morte, ambos no río Xuvia.
Recordar que esta proba é clasificatoria para o Marter Miguelpesca que se ha celebrar o 12 de Setembro no sen morte de San Sadurniño.

Xa entrando en materia, comentarvos que o plan de vó é mais ou menos o que sigue:

• Concentración ás 7:30 h nos bar os Rubios na Mourela (concello de Neda)
• Entrega de documentación e posterior saida ás 8:30 h.
• Inicio da competición nos tramos asignados ás 9:00 h
• Remate deas mangas da mañá ás 14:00 h
• Xantar no restaurante Riboira de Lamas (San Sadurniño)
• Reinicio da competición ás 16:00 h
• Remate da competición ás 20:30
• Concentración nos Rubios para a cea de peche e entrega de premios.
• Comedia ata as tantas na Feira Xuviño ....

O dito esperamos que vos animedes a vir, e esperamos que o tempo se porte e permita mangas con abondosas capturas que non deixen dúbidas de quen é o mellor 

Corzos abandoados-Deixemos á Natureza seguir o seu plan

Non tiña moi claro como iniciar este aviso, pero aí vai.
Chamádelle contumacia, pero indo en contra corrente e da tendencia animalista e de mundo Disney que asola á sociedade, pretendo compartir un tema que todas as tempadas de cría, asola ás poboacións de corzo.
Non hai moitos días, no Facebook compartía unha entrada avisando de que baixo ningún concepto se debían recoller os corciños que durante este tempo de parideira, son atopados en ocasións no campo ou no monte.
E o motivo non é outro que constatar que a pesar de tódolos avisos, sucedeu o inevitable.
Acaba de chamarme unha coñecida e decirme que que fai có corzo que acaba de recoller no monte ...
Dúas cousas. En primeiro, non se recolle un corciño para condealo a morte (que é o seu fin case inevitable) ou para condealo ó cativerio (porque unha vez troquelado é imposible a súa reintroducción) sen ser un animal doméstico, pero sin poder adapatarse á vida doméstica. Item mais seguro que a nai dese corciño, estará nestes intres a buscalo. Seguro que non se deixou ver, pero estaba á espectativa preto de onde o atoparon.
Sei que a xente (como neste caso) faino coa mellor intención, pero na Natureza as cousas non son así. Ela ten os seus plans. A nai está aí para valerlle dende a distancia a ese corciño que ti pensas abandoado e desvalido. E se a nai non estivera, pois xa haberá un depredador que se faga cargo del (depredador que nesta época tamén ten crías).
Deixemos ó lado sentimentos e pensemos que a Nai Natureza, ten un plan e uns números para todo. Non pretendamos ser deuses e decidir a quen debemos salvar a quen non. As perdas por depredación son naturais e asumibles nos ecosistemas, e fan que soamente os mellores subsistan e fagan pervivir os seus xenes. Non tratemos de modificar algo tan natural

INSISTO: A NAI NATUREZA SABE

Campionato de pesca a mosca Cibeira-Comenza a tempada de clásicos